飲杯嘢 之 除非天會塌下來

開心完一天，昨日共開了三個會議，身心疲累，放工竟有閃過「唔想行，不如在公司打地鋪算了」的傻念。

但又記起約了朋友仔 9:00pm，在家附近「飲杯嘢」，於是又急急腳跑回家。誰知被騙，美其名是「飲杯嘢」，其實是「另類訪問」!!

朋友仔是研究系統思維的 S 君，坐下來，不談別的，時時刻刻講求系統，溝通也要有系統地完成。於是這個約會，成了我昨日的第四個會議，還馬拉松式開至翌日凌晨 12:30am!! 真的累到想死!

系統思維大師正籌備出新書，未寫好，困在一角，想收料解困。我不是大師，只是給些吹水唔抺咀，與本節目立場無關的個人意見。

談到環保，最後，大師問：「怎麼才可令香港人做好環保」，我答：「除非天會塌下來」。似是很傻，我們都笑了。不過我真的有這麼一個想法，人人都抱著多我一個唔多，少我一個唔少的自私想法，環保做得很表面，口說環保，但依舊豪吃喪玩，豪買喪掉。

恐怕到兩極融冰… 水位上升 … 水滲上腦成了事實，大家都不會知驚。假如天會塌下來，把你壓成「糞餅」，可能會激啲!!

大師，多謝你問這個沒人有答案的問題，刺激我思維，被騙都係值。

不過下次唔該唔好約得咁晚「飲杯嘢」囉。

延伸文章: 以書代禮