已經六十歲了!

年齡這東西

一歲前，你的家人會把你幾多個月零幾多日，不多不少地告知街坊。
「我個女10個月零8日了。 」
而你，無聲出，因為唔識反應。

一歲後到六歲前，你的家人會把你幾多年零幾多個月，不多不少地告知街坊。
「我個女5歲零9個月了。 」
而你，只會跟著大人講，佢地講咩你講咩。

六歲後到十八歲，你的家人總愛把你的真實年齡加一歲。
「我個女，出年18歲了。 」
而你，如放生般，成年人對你來說，是一件期待已久的事，終於等到有自主權，好開心。

十八歲後到廿五歲，你的家人及你，也如實告訴人家，你多少歲。

廿六歲到廿九歲，你的家人會開始小心，只對親戚說你的真實年齡，不過總喜歡幫你加一歲。
而你，笑容開始牽強。

三十幾、四十幾、五十幾歲 …
連你自己也差點想忘記，不過舊同學永遠在生日聚會裡必來提醒，這好一段漫長的尷尬之年，個個成了「差不多先生」。

到了六十歲，是自你三十歲開始至五十九歲，差不多三十年過後的人生解脫，你會自豪地隨便跟不認識的人說：「我已經六．十．歲啦」！ 而你，亦最希望對方回你一句：「嘩！真係睇唔出喎，我以為你四十幾咋」！跟著，你沾沾自喜。

六十歲後，年齡不但不再是秘密，你還會比前一年更主動，更自豪地公告天下。有些公公婆婆更喜歡「十級跳 」，說：「我地六十幾七十歲人，又或七十幾八十歲人，又或者九十未到，已經話自己成百歲了 ...」

我，還有好一段日子，才到這令人「自豪」之年，連我媽子還在「尷尬」中。